વિકી કૌશલે જણાવ્યું છે કે તેની વાઇફ કૅટરિના કૈફ જ્યારે ઘરે હોય તો તેની મમ્મી વીણા કૌશલ ખૂબ ખુશ થાય છે. સાથે જ કૅટરિનાને સાદું ભોજન ગમે છે અને તે વેજિટેરિયન છે એવું પણ તેનું કહેવું છે. કૅટરિના ઘરે હોય તો વિકીની મમ્મીની ખુશીની કોઈ સીમા નથી રહેતી એવું જણાવતાં વિકી કહે છે, ‘ફૂડની વાત આવે તો તે મારા કરતાં પણ વધારે શાકાહારી ભોજનનો આગ્રહ રાખે છે.
તેને સાદું ભોજન ગમે છે. તે ક્યારેક જ છોલે-ભટૂરે ખાય છે, પરંતુ મને તો ખૂબ ભાવે છે. કૅટરિના જ્યારે પણ ઘરે હોય તો મારી મમ્મી ખુશ થઈ જાય છે. મમ્મી કહે છે કે મારી આખી લાઇફ મારા દીકરાઓને ટિંડા, બીન્સ અને તુરિયાં ખવડાવવાનો પ્રયાસ કરવામાં પસાર થઈ ગઈ; હવે મારી વહુ તો દરરોજ એ જ બધું ખાય છે. આ તેનું મુખ્ય ભોજન છે. તેને પૅનકેક્સ ગમે છે.’