કરીના કપૂર ખાનનું કહેવું છે કે તબુ સાથે કામ કર્યું હોવાથી તે ગર્વ મહેસૂસ કરી રહી છે. તેમણે ‘ક્રૂ’માં સાથે કામ કર્યું છે. આ ફિલ્મને એકતા કપૂર અને અનિલ કપૂરે પ્રોડ્યુસ કરી છે અને એમાં ક્રીતિ સૅનન પણ છે. આ ફિલ્મમાં તેઓ ત્રણેય ફ્લાઇટ-અટેન્ડન્ટની ભૂમિકા ભજવી રહ્યાં છે. તબુ સાથે કામ કરવાના અનુભવ વિશે કરીનાએ કહ્યું કે ‘આ ફિલ્મને લઈને હું ખૂબ જ ઉત્સાહી છું કારણ કે મને પહેલી વાર તબુ સાથે કામ કરવાની તક મળી છે.
કરિશ્માએ તેની સાથે ઘણું કામ કર્યું છે. જોકે મને પણ આખરે તેની સાથે સ્ક્રીન શૅર કરવાની તક મળતાં હું સન્માન અનુભવી રહી છું.’ ‘ક્રૂ’નું ટ્રેલર હાલમાં જ રિલીઝ કરવામાં આવ્યું છે, પરંતુ એમાં તબુના ડાયલૉગ દ્વારા અપશબ્દો બોલવામાં આવ્યા હતા જેને સેન્સર બોર્ડે બદલવાની સૂચના આપી હતી અને ફિલ્મમાં પણ એ બદલવામાં આવશે.